韓國男子天團BIGBANG嘅29歲成員太陽，跟韓片《陽光姊妹淘》31歲女星閔孝琳拍拖4年多，雖然曾經分手又復合，不過一直都非常恩愛。今日有韓媒獨家爆料，指二人將於明年2月結婚，姊弟戀開花結果，太陽更將係BIGBANG首名人夫。

相關人士透露：「太陽跟閔孝琳上月開始準備結婚，預計於明年2月、太陽入伍前行禮，預計會係簡單、低調地舉行。」太陽所屬嘅YG事務所率先確認婚訊，表示：「太陽跟閔孝琳明年2月結婚，會於太陽入伍前舉行婚禮，因為未知入伍日期，所以未能落實幾時舉行婚禮，有具體消息時會再公佈。」

閔孝琳所屬事務所隨後亦認喜訊，表示：「二人真係結婚，不過未落實婚禮日期，正安靜地進行籌備。」

太陽跟閔孝琳因合演《1AM》MV而一吻定情，前年6月被斷正拖手相先公開戀情。

更多韓流，喺晒《娛果》
http://fb.com/appledailyent