喺香港好耐冇開騷嘅Mr.，將聯同香港城巿室樂團合作，於10月21日喺香港文化中心音樂廳舉行「音樂x世代 — 青年音韻樂悠揚」音樂會，Mr. 聯同樂團今日於紅磡為音樂會進行綵排，鼓手杜志烜(Tom)腸胃炎缺席綵排，布志綸(Alan)話：「第一次同管弦樂團合作，開頭以為要揀啲靜嘅歌，擔心我哋會嘈得滯，原來佢哋想搵隻好嘈嘅，我哋會揀一隻嘈，一隻唔嘈。」Alan話到時唔夠膽帶囝囝去現場，佢話：「管弦樂演奏係好嚴肅，唔帶得佢去，如果到時佢喊嘈住演出，我都控制唔到。」