恒基地產前日獲高等法院批出臨時禁制令，禁止任何人進入、佔領及阻礙恒基在粉嶺馬屎埔佔有約5,500方呎農地。今早恒基一方暫未有行動，現場數名本地及南亞裔保安人員在場內外駐守，村口另一端約有十多名留守人士巡守。村民區晞旻昨表示會徵詢法律意見及物色合適人選作出抗辯，一切行動暫時仍在準備中。

在馬屎埔居住廿多年的容先生與母親今日出外時亦停留在村口片刻，細閱由抗爭者張貼有關新農業政策的政府文件，不願上鏡的容先生認為，令抗爭事件出現的始作俑者其實是特區政府，如果你(政府)冇要求恒基年底前清晒啲人，點會搞成咁？」他續指，政府沒有事先安排好農業復耕和安置村民，「乜鬼都未做好晒，咁你就推恒基出嚟，『喂你好收返啲地啦，你唔收返啲地我就唔畀你原址換地！』如果政府唔咁做恒基根本唔洗收地收得咁急。」

容先生當初由市區搬入馬屎埔「因為真係好好住」，空氣好之餘，村內鄰里關係非常良好，即使村民外出家中大門中開也不怕有人盜竊，戶主之間的農作物不止是自給自足，「吖你個木瓜幾靚喎！咦點解我冇嘅？咁咪大家有得分享。點同市區住咗幾廿年隔離屋姓乜都唔知。」他直言萬一收地要搬遷會非常不捨，家中孩子由小在馬屎埔長大，連他們也想留在這裡住，他再次力斥政府處理四萬呎原址換地政策不恰當，「你又唔安置我，宜家先嚟搞搞震，人哋耕開田幾廿年，你咪畀返個地方人復耕囉！政府完全都唔做嘢！」