馬鞍山居民反對改劃土地用途滅村 撐政府中女踩場斥「廢柴」
鍾禮謙馬鞍山村郊野公園樟木頭
一眾馬鞍山居民今日自發在區內擺設十多個街站,收集巿民聯署反對規劃的簽名,沿途有不少行山客亦停下聯署。 本報記者攝
自少居住在馬鞍山的Peter,從社交媒體得知政府規劃馬鞍山村及樟木頭的計劃,並反對有關計劃:「一來其實好影響依度郊外嘅環境,同埋其實你地今日都見到啦,平常嘅假日都有咁多車出入嘅話,如果真係起咗房屋嘅話,其實會更多車流囉,對我地依度嘅交通負擔都非常之大囉。」
對於有珍貴歷史的礦場被破壞,Peter亦感惋惜, 「佢(政府)都係想搵個機會剷咗佢(馬鞍山村),做啲有用嘅嘢或者賺錢」,斥政府對文化的保育相當不上心。問及聯署的影響力,他無奈指,「嗱咁講啦,喺依年半嚟,政府點樣大家有眼睇,如果佢連一啲咁大件事都可以唔聽民意嘅話,如果一啲叫做無咁公眾關注嘅嘢,其實佢要反口,佢要硬推,有幾難呢」,但強調不樂觀亦要有所行動,決不坐以待斃。
Peter對聯署的成果不樂觀,但表明決不坐以待斃。 本報記者攝
每日都會上來行山的林太,一直為村民打氣,笑言馬鞍山的綠化地帶「自己都有份」,她笑言「我日日都行依度,咁我咪有份」。對於政府「滅村」,她坦言相當心痛,「咁多年,啲礦工百幾年(歷史)」,同時指「(發展後)咁多塵埃又無路行,係咪,最好就保持原狀」。
林太對政府「滅村」相當心痛,「咁多年,啲礦工百幾年(歷史)」,同時指「(發展後)咁多塵埃又無路行,最好保持原狀」。 本報記者攝
全家人第一次上馬鞍山的陳小姐表示,沿路上來看到不少宣傳街站,了解到即將推行的發展計劃。她直言不建議這樣做,指「香港郊野地方已經唔多,如果摧毀多一個嘅話,即係會越嚟越少。」她表示自己回家會與小朋友講解,「(教佢)唔好為咗發展一啲嘢而去摧毀咗一啲嘢,我覺得所有嘢都要得到個平衡先可以。」
馬鞍山居民鍾先生在下山時,亦特意停下了解計劃的詳情,直指香港現時亦有其他的土地發展選項,對政府選擇綠化地帶發展相當不解。提起聯署的實際效用,鍾先生對於聯署能煞停政府的計劃不抱期望,但指「只有兩個字啦,盡做」,表示會告知太太及其他朋友,讓他們亦簽名聯署,表達他們的意見。
馬鞍山居民鍾先生指香港有其他土地發展選項,質疑政府選擇綠化地帶發展。 本報記者攝
沙田區區議員鍾禮謙,今天亦特意到街站,向巿民講解政府發展馬鞍山村及樟木頭的計劃,並收集聯署簽名。他指發展計劃的影響甚大,並非僅限於馬鞍山上、下半村的村民,是全沙田區發展的「大事」,故特意在周日來到街站幫忙。
沙田區區議員鍾禮謙今天在街站向巿民講解政府發展馬鞍山村及樟木頭計劃的問題,並收集聯署簽名。 本報記者攝
在擺街站期間,有一位中年女士曾上前與鍾禮謙及居民理論,斥他們亦是在享用前人發展的成果,但現時又阻止政府開發土地,同行的男士亦一度嘗試拉開她。鍾一度聲嘶力竭地以實際的數據及有其他更佳方案等理由反駁,該女士亦堅持立場,更在離去時大聲斥鍾及一眾居民「廢柴」、「憎人富貴厭人貧」,更以不屑的語氣指「你繼續啦,辯論比賽完結!」
一位中年女士曾上前與鍾禮謙及居民理論,斥他們享用前人發展的成果,但現時又阻止政府開發土地。 本報記者攝
-----------------------------
-----------------------------