韋達是繼告東尼後，第二人在港以冠軍騎師身份轉做練馬師，並且同樣獲取成功，這從他首季設廐不斷贏馬就可看到。

沙田馬場今午（29日）進行全年最後一個賽馬日，韋達戰至第八場三班1400米，跟騎師榜三哥田泰安攜手為「順意寶」打開轉廐兼今季勝門，單Win及組合獨贏A1分別派53.5及21.5元。

五歲澳洲自購馬「順意寶」前季起在港服役，當時隸屬賀賢馬房，並於季尾由時任騎師韋達贏三班谷草1200米開齋，翌季卻逢出都輸，最叻只跑過第四。

今季過檔加盟韋廐，「順意寶」原本五戰四位不勝，卒之今場續配田泰安再爭1400米，一放到底影相險勝利敬國與徐雨石合作馬「蒙古王」短馬頭位，從而錄得本身首勝沙田賽事，同時成為首匹韋達從騎從練均曾贏取之馬，別有一番意義。

經此一役，韋達連勝三次賽事未斷纜，從練首季在四個月過後已獲16Win，就快殺入練馬師榜三甲，表現出色。

第八場二至四名依次是「蒙古王」、「大眾歡呼」及「快樂實在」。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇