香港樓市是一個充滿可能的地方，就算是細到不足120方呎上車盤，一樣有買家承接。位於西環青蓮臺怡景苑剛錄得一宗迷型住宅買賣交易，售出的單位實用面積只有117方呎，屬全港最細住宅，比一個正常車位(法例規定不少於135方呎)還要細，地產代理更打趣道:「企喺度瞓」。

土地註冊處資料顯示，怡景苑地下E室，實用面積117方呎，另設100方呎花園，剛以228萬元售出，呎價近2萬元。地產代理透露，賣方為投資者，2007年以51萬元買入收租，賣之前以8,300元租予一名年輕女士，今次賣樓賬面獲利177萬元。

本報獨家取得單位室內相，室內裝修新淨，由於採用開放式，不設廚房、不設睡房，入屋後基本一眼睇晒。屋內做了榻榻米床，瞓覺時就舖上床褥，不瞓就收埋放入衣櫃，變回客廳。廳外有樓梯落去私人花園。

被問到是否開放式間隔，代理笑言單位之細，「差不多變立式了，企係度瞓」。不過，新買家為本地投資者，年約20多歲，由父親贊助首期入市，計劃購入收租，預計每月收租8,000至9,000元。屋苑有一個連天台單位放租，同為117方呎，叫租1.2萬元，呎租高達103元。

蘋果財經，關心你飯碗
http://fb.com/appledailyatm