阿儀五母子一直靠丈夫微薄收入及社署「低收入補助金」過活，近月丈夫離家而去，一室婦孺頓失依靠。連月來，阿儀與子女勒緊肚皮度日，惟目前已到達山窮水盡的地步，更面臨斷炊危機，蘋果日報慈善基金即時撥款助他們紓解困境。

擁着四名年幼子女，阿儀泣不成聲。「我自己有病，佢哋重咁細，你叫我一個人點湊大佢哋，你叫我以後點算吖，嗚……嗚……」
三十五歲的阿儀，結婚十五年，丈夫為運輸工人，兩人育有三子一女，現年分別三歲、七歲、十二歲及十四歲。阿儀本來任職售貨員，但自從子女相繼出世後，她便辭去工作，在家專心照顧孩子，一家六口靠丈夫維持生計。

阿儀抑鬱成病
「早幾年市道好，我老公都有萬幾蚊收入，幾仔乸慳慳哋都夠使，不過近一、兩年，佢成日都冇工開，人工少咗一大半，所以上年我哋開始要申請福利資助。」家庭經濟環境改變，不但令阿儀夫妻感情轉差，摩擦迭生，更加令她鬱出病來。
阿儀一向身體欠佳，除有地中海貧血症，去年更不堪生活壓力患上精神病，目前仍要接受治療。在她最脆弱的時候，丈夫離去，叫阿儀大受打擊，經濟亦再次陷入困境。
現時阿儀五母子僅靠社署一份微薄的低收入補助金過活，惟根本不足以應付基本開支，近日天氣轉涼，他們連暖肚的食物也欠奉，境況堪憐。「𠵱家我全副身家得番三十蚊，幾個細路已經好耐冇早餐食，米缸連米都冇，呢幾日全靠社工畀咗幾包即食麵我哋頂肚，但真係捱唔住，我重有好多雜費過晒期都冇錢交。」阿儀拿着大叠煤氣費單、電費單、幼稚園學費單、子女的學校膳食費單向記者哭訴。