李八方online︱民主派區議員街站踩場 向建制送「忠誠的廢物」大禮
忠誠廢物林名溢李華光
大埔區區議員林名溢帶埋田飛龍嘅「金句」,親自去李華光嘅街站踩場,話自己要將「忠誠的廢物」送返畀佢哋,仲逐一問李華光同班街站義工:「你要唔要?」
大埔區區議員林名溢今日帶埋「忠誠的廢物」字牌,到前年落選區議會、經民聯李華光嘅支持北京「完善」本港選舉制度街站,送上字牌。
自從中央唔需要「忠誠的廢物」論一出,一班「愛國愛港」者都唔敢怠慢,頻頻開街站支持北京「完善」本港選舉制度,似乎怕下一個被踢走嘅就係自己。今日林名溢就帶埋田飛龍嘅「金句」,親自去李華光嘅街站踩場,話自己要將「忠誠的廢物」送返畀佢哋,仲逐一問李華光同班街站義工:「你要唔要?」
但林名溢嘅好意,人哋就似乎唔多受落喇,仲有街站義工叫林:「你喫蕉啦!」最終林名溢除咗俾警員抄低身份證明文件之後,要自己拎返份大禮走。其實建制派係唔係「忠誠的廢物」,相信唔使北京開口,港人心中有數。
-----------------------------
-----------------------------