ViuTV噚日強勢開台，觀眾睇電視「有得揀」嘅日子終於多個選擇，不過唔少觀眾用手機版都出現唔同問題，有網民稱個Apps有「毛病」，譬如字幕太細，又有指畫面嚴重唔一致；啲廣告一時4:3、一時正常，條節目簡介片又crop；啲色tune得太勁，片同自家廣告都好唔一致等等等等……咁初時都應該有進步空間嘅!

噚日有唔少人喺AppStore或者GooglePlay下載ViuTV個Apps，分別係黃色同藍色Apps，有網民就喺ViuTV官方facebook問：「黃色係睇日韓台？」ViuTV嘅小編都有認真解答：「無錯，記住藍色ViuTVApp係ViuTV免費電視99台嘅App，有所有ViuTV嘅自製節目，同外購節目，仲有粵語配音同原音畀大家選擇。」有網民更投訴睇睇吓「死機」嘅問題。

ViuTV在手機版和網上死機一事，ViuTV回覆：「網站流量其實都好矛盾，無人又驚，多人又死，終於《跟住矛盾去死機》……令大家失望我哋深感抱歉，亦多謝大家嘅包容同支持，我哋會努力改善，提供最優質嘅產品畀大家選擇。