當沉睡400年嘅印尼火山都可以再度噴發，咁近年常見嘅所謂百年一遇又算得上甚麼，嚟緊呢個月，港股除咗要擔心Vodafone揸住嘅中國移動（941）幾時出貨呢個確定大行動而又不確定時間嘅計時炸彈幾時引爆，更加要睇實投資者情緒，形成9月份嘅股市將充滿張力。好明顯，係一天未出貨，股價反而會因為不明朗因素而調整或膠着。
股市表現最能反映投資者行為，點樣儲蓄、投資與消費，唔只影響投資者本身，更主導整個投資管理服務行業收入，近年環球唔少大型跨國基金公司，都積極鑽研行為財務策劃呢門學問，以圖改變零售客戶對資金管理的思維，行為經濟學家更會運用心理學為品牌與行銷策略重新定位，從而加強投資者與其投資顧問之間嘅聯繫。

行為財務策劃受重視

著名心理學家羅伯特西奧狄尼（RobertB.Cialdini）用咗近30年研究隱藏在人類受影響而順從他人意願背後的6種唔同力量，歸納於其1984年著作「影響力–說服力心理學」（Influence–ThePsychologyofPersuasion）拆解點解你會對人sayYes，當你明白到人類如何所受傳統智慧支配行為決策後，你亦會掌握到如何說服及影響他人向你也sayYes，每個課題後面嘅實例分析，都可以強化理論基礎，潛移默化地將你推向成功，關鍵就係唔只要令你想向人sayNo時唔會講咗Yes，更要令你擁有別人對你sayYes的武器。
了解人類行為心理等於明白社會洞悉世界，呢本書在過去廿多年已賣出超過200萬本，亦係把李祿引薦給股神畢菲特的股神老拍檔兼戰友、更係出晒名以逆向思維戰勝市場的智者芒格（CharlesMunger）推薦的好書。不過有一點係更加估唔到，鄭重推薦此書給我者竟然會係當今炙手可熱音樂監製趙增熹，音樂人也可以如此涉獵廣闊。

胡孟青
作者為獨立股評人