以色列女星姬嘉鐸（Gal Gadot）主演嘅DC漫畫超級英雄片《神奇女俠》（Wonder Woman）受到英國曼徹斯特體育館舉行演唱會嘅炸彈恐襲影響，宣佈會取消原定於5月31日舉行嘅英國記者會及首映禮，姬嘉鐸噚日喺墨西哥孖男拍檔基斯派克（Chris Pine）出席首映活動。姬嘉鐸穿上deep V黑色晚裝現身，相當性感高貴，果然係真女神，完全零死角。

美國電影院線Alamo Drafthouse Cinema打算舉辦只讓女性入場嘅《神奇女俠》場次，去宣揚女性權益，雖然戲票嘅利潤會捐去慈善機構，不過有男觀眾認為這是歧視男性，紛紛於網上抗議。