【尋美國NGO組織幫助】林子博太太患「平滑肌肉瘤」 有感生命每日在倒數
蘋果日報 2019/10/03 00:30
林子博Shirley平滑肌肉瘤
- 林子博太太Shirley數個月前患上極罕有癌症，令他憂心非常。
- 子博表示自報道出街後，有數名同類病患與他接觸，給予幫助。
- 因為其他病患者的分享，子博太太Shirley開始釋懷，覺得自己也有康復機會。
- 子博說：「（去美國就醫）唔知得唔得，但起碼多咗個途徑去試先。」
林子博太太Shirley數個月前患上極罕有癌症「平滑肌肉瘤（腹腔）」第四期，癌細胞擴散身體各處，據子博了解，平均10萬人中只有一個病例，在香港僅得十個八個，十分罕見，所以很想送太太到美國就醫。
子博日前接受專訪時說：「其實而家都唔知道究竟外國係咪幫到佢，只不過而家多咗一個途徑，有人去關注佢嘅情況。自從報道出街之後，而家暫時有4個人經過社交平台搵咗我同我太太，分享佢哋其實係同路人，都係呢個病嘅患者。呢幾個人搵咗我太太之後，佢個人釋懷咗，原因係有啲（患者）有呢個病時係2013年，有啲係2014年，但至少佢哋而家喺度吖。一直以嚟我太太覺得呢個罕見病患，總之一有呢，呢個腫瘤癌細胞就會喺你身體周圍走，你更加唔可以開刀，你一開刀就走得仲快，半年之內復發，所以我太太一直都覺得自己係倒數緊，究竟係斷日計定斷月計。」
因為其他病患者的分享，Shirley開始釋懷，覺得自己也有康復機會。子博說：「報道出街之後有人打畀我，話佢媽咪都有呢個情況，佢聯絡咗美國NGO組織，平滑肌肉瘤嘅組織，係美國家屬成立出嚟，因為佢哋係一小撮，希望坐大佢哋組織，變咗一啲醫生、藥廠或者醫院去對佢哋提供一啲支援。個朋友話反正都帶佢媽咪啲資料過去（美國），不如帶埋我太太份嘢過去啦，變咗要喺香港搵一個腫瘤科醫生去同嗰邊傾我太太個情況，而家都係好初步階段研究緊，可能嚟緊都有需要飛過去當地，所以我都諗緊點樣去解決呢個問題。唔知得唔得，但起碼多咗個途徑去試先。」
採訪：戴彩煥
攝影：沈健程
攝錄：馮嘉銘、葉君海
場地：BARON 99
攝影：沈健程
攝錄：馮嘉銘、葉君海
場地：BARON 99