曾經拍片挑機嘅網上饒舌歌手MastaMic,之前用15秒就讀晒「免責聲明」完勝林芷彤,噚日MastaMic接受電話訪問,澄清冇諗過以林芷彤做目標:「當日佢出咗呢條片,朋友tag咗我,佢都讀得幾快,老實講唔係歌詞,字眼幾繞口同巉手,我先想玩,15秒係好無聊原因,因為Instagram只可以拍15秒片。」MastaMic亦冇諗過咁多反應:「我冇挑佢機或者想KO佢,其實無聊小遊戲,冇鬧人冇粗口,但網友話我懶叻,好無辜!」
對於噚日林芷彤回復正常速度,MastaMic哈哈笑話:「大家都好失望!可能個別事件啫,某程度上聲明要讀清楚啲。」
撰文:馮仁昭