杜琪峯導演、游乃海編劇嘅電影《三人行》今日喺北京舉行記者會，男女主角趙薇同鍾漢良都有到場。杜琪峯跟游乃海自爆「邊拍邊寫」係銀河電影嘅風格。

趙薇話戲中飾演一名腦科醫生，之前只受訓了一個月，但就要應付不少手術場面，所以拍攝時要有專業醫生在場協助。至於鍾漢良，佢就飾演一名十分多說話的悍匪，多得杜Sir訓練，令佢練成超強記憶背台詞。

現場趙薇同鍾漢良齊齊聲討今日無出席記者會嘅古天樂，話佢喺戲裏面經常俾古仔「毒打」，趙薇說：「在片場，他曾實打實的打了我一晚上，打到我感覺身體受不了快被打到進醫院。」當游乃海加戲俾趙薇打番佢時，杜琪峯只拍了幾個鏡頭就收貨，令趙薇覺得杜Sir偏心古仔。鍾漢良就話古天樂嘅二頭肌太發達，一場兩人對打戲份就慘烈到令自己嘅耳仔掛彩。