雨僑與老公羅力威結婚一年多後，終於展開蜜月之旅，身兼藝人及Youtuber的雨僑，今次去到日本honeymoon，亦不忘拍照編寫遊記，跟fans分享旅行慳錢大法。雖然旅遊途中遇到不少阻滯，不過有老公陪住，依然幸福滿瀉，她更大讚老公影相技術大有進步，親自操刀為自己影了不少靚相。

今次旅行原來是他倆首次享受二人世界，雨僑說：「旅行多數都係同家人或朋友去，之前都係出席朋友婚禮先一齊去日本，今次真係第一次兩個人去玩。」羅力威更特地買了件粉紅毛衣和太太情侶裝影相，雨僑笑說：「老公見到有件冷衫好似我着緊個件，專登買嚟同我影情侶相，但其實我前一晚食完燒肉，所以件衫有陣燒烤味。」

出名慳家的雨僑去旅行都要堅持應慳得慳的習慣，她自言慳錢其實不難：「只要預先計劃好，好似我哋有一日去溫泉旅館，歎完五星級享受，之後幾日嘅行程咪慳啲。」至於其他慳錢秘訣，她就賣關子要大家留意即將上載的影片。蜜月之旅固然甜蜜，但當中也發生不少趣事。兩夫妻去到霧島神宮，雨僑發現有幾棵樹已經開花，於是不停影相拍片，點知擺了個大烏龍，她笑說：「有位好心姐姐提醒我其實我影緊係梅花，原來我唔係賞緊櫻，係賞梅，都算係加深咗對梅花嘅認識。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef