【熊家喜事】「龔水CP」戀情曝光 大家姐滕麗名：阿妹話係咪係
蘋果日報 2019/07/08 14:40
張景淳呂慧儀滕麗名
（IG圖片）- 「根叔」劉丹有三個女，滕麗名笑言熊家上下好齊心，「阿妹話係就係，唔係就唔係」。（IG圖片）
- （左起）何綺雲、沈可欣、呂慧儀、姚瑩瑩和湯盈盈在劇中是好姊妹。（IG圖片）
「龔水CP」突然爆戀情，被影到拍拖睇戲兼返香閨，好多網民都表態支持，並送上祝福。
呂慧儀和張景淳都是拍無綫處境劇《愛．回家之開心速遞》而撻着，劇中一班演員亦好保護一對戀人，未有踢爆。不過，熊家上下亦好齊心，在劇中飾演熊若水家姐「熊尚善」的滕麗名被問到「龔水CP」是否真的拍拖？她今日以短訊回覆說：「阿妹話係咪係，阿妹話唔係就唔係，熊家人好齊心㗎！」而「送水輝」許家傑則說：「我都唔清楚成件事，所以唔回應住。」
在劇中飾演熊若水阿爸的「根叔」劉丹表示不知情：「唔知噃！」開工時可留意兩人拍拖有蛛絲馬迹？丹爺說：「唔覺，咁佢哋劇中係演一pair。」呂慧儀和張景淳被爆拍拖睇戲，又同「車」返香閨？丹爺答：「放工就各散東西，唔知佢哋啲嘢。」若然呂慧儀與張景淳真是相戀，會祝福嗎？丹爺說：「如果係，會祝福，希望佢哋開心。」
劇中好姊妹沈可欣則說：「係咩有件咁嘅事？佢哋嘅事我唔清楚，如果真係拍拖就恭喜佢哋！男才女貌好襯吖！」