46歲荷李活影星班亞弗力（Ben Affleck）因為酗酒問題復發，要被前妻珍妮花嘉娜（Jennifer Garner）捉去戒療所。近日其細佬卡斯亞弗力（Casey Affleck）都開腔回應事件，更指全家都有酗酒問題。

卡斯亞弗力指阿哥正努力戒酒：「酒精唔單止對個人造成影響，更會影響家人。我諗佢會為咗小朋友同佢哋嘅媽媽，又為自己，會努力戒酒，保持清醒。」佢又話原來家族中好多人都係有酗酒問題：「班亞弗力係個上咗癮嘅酒徒，我哋嘅祖父母、爸爸都酗酒，你諗得幾差都有。佢而家已經清醒咗30年，而我就清醒咗大約6年。」卡斯又指哥哥嘅名氣令情況更加差：「每個人都睇住你、影你相，令事情更唔容易，我見到我邱爸爸無人跟住佢、無相機影住佢都爭扎咗好多年。」

精選娛聞，喺晒《娛果》
http://fb.com/appledailyent