【老貓燒鬚】黃宗澤誤媾陳嘉桓老死余香凝 遭踢爆後玩封殺
黃宗澤陳嘉桓余香凝
年底便踏入4字頭的黃宗澤(Bosco),自從8年前和胡杏兒分手後,身邊一直未有固定女友,做慣無腳雀仔的他,3年前撻着細12年的陳嘉桓,雖然雙方未有承認,但暗交3年至今感情依然穩定。而女方不時以老闆娘身份在男友所開的蠔吧打躉,儼如老闆娘一樣。不過花弗慣的Bosco,又豈會為一棵樹放棄整個森林,拍劇拍戲經常和拍檔傳緋聞的他,早前拍大台劇時又「身痕」,竟對女友好姊妹余香凝「起痰」,拍劇期間多次獻殷勤,又主動約女方食飯,可是余香凝不但未有「落沓」,還向陳嘉桓篤灰,有指陳嘉桓為了此事和Bosco炒大鑊。
行走江湖閱女無數的Bosco,今次竟然失策老貓燒鬚,有指他經此一疫後,在片場每逢見到余香凝時,都當對方透明,講明即使要宣傳,亦不會和對方一齊做訪問,更表明以後都不想和對方合作,實行斬腳趾避沙蟲,以防再有女友的線眼埋身。
余香凝今日回覆《蘋果》,她否認此事並說:「大部份劇集、電影出街,唔係傳不和就傳緋聞,我可以講係完全冇咁嘅事,唔係事實,不過我同Bosco喺劇中嘅對手戲其實唔多,私底下亦都冇聯絡,所以更加唔明白點解會傳成咁。」Bosco亦說:「無聊到極,我同冇同佢面左左,開工嘅時候一班人都有講有笑,但私底下無聯絡過。」
-----------------------------
余香凝(左)和陳嘉桓(中)無論外型和身高都十分相近。(IG圖片)
陳嘉桓和黃宗澤拍拖3年,但二人至今仍未承認戀情。(IG圖片)
有指余香凝對於Bosco的殷勤,未為所動。(IG圖片)