台灣著名綜藝節目主持吳宗憲個仔鹿希派（原名︰吳睿軒），喺今年8月因為喺社交平台發表「炸市府」嘅恐嚇文惹禍上身，吳宗憲急急帶個仔出嚟公開道歉（新聞連結： https://bit.ly/2PrIbZs ），當時為父嘅吳宗憲仲宣佈只係出道23日嘅鹿希派要退出演藝圈，執包袱走人（新聞連結： https://bit.ly/2Mrt5W3 ）。

口裏說不，身體卻很誠實，鹿希派結果「退出」咗10日就復出，去咗年代電視台錄影節目，被網民笑佢「光速復出」。雖然鹿希派最後都係有返美國伯克利音樂學院繼續求學，不過佢臨走仲舉行免費音樂會（新聞連結： https://bit.ly/2So3I6N ），仲明言自己唔會退出演藝圈。

事隔近4個月，鹿希派又返嚟喇！據台灣《蘋果日報》報道，鹿希派宣佈明年1月18日會同出道逾10年嘅前輩女歌手斯亞合辦「FAMOUS PIE」售票演唱會，出道僅半年嘅佢坦承票房有壓力，「票房壓力一定有，但我只能把自己的部分做到最好，因為我不懂行銷或宣傳，只希望來看我表演的人不只是支持，而是可以真正的一起享受音樂、享受派對的感覺。」

今次趁放假返台，有交功課，佢話自己寫歌速度頗快，「我是一個愛音樂的人，也是一個製作人，只是剛好我也喜歡表演，所以鹿希派才會存在。」已經成立個人工作室嘅鹿希派，乜都一場腳踢，對於今次個騷，佢仲話好緊張。

精選娛聞，喺晒《娛果》
http://fb.com/appledailyent