無綫新一輯《美女廚房》喺周六晚首播，今次搵咗林盛斌（阿Bob）、蕭正楠同張振朗擔任主持，結果俾網民狠批新不如舊，三人合作冇火花，就算搵咗農夫做試食嘉賓，都幫唔到啲乜嘢手！有份做嘉賓之一嘅陳凱琳(Grace)，佢嘅廚藝仲令佢成為首集嘅地獄廚神！

Grace噚晚喺葵芳出席活動，講到嗰晚嘅表現，佢話：「我自己睇番都覺得好笑，媽咪安慰我，都係佢煮俾我食就算，我自己真係冇乜煮飯嘅天份，反而整甜品比較好啲！」唔知男友鄭嘉穎又有冇安慰呢？佢就話：「其實我試過整嘢俾佢食，只不過之前真係冇試過炸嘢，唔緊要喇，觀眾笑吓係好事，最緊要係好玩！」

呢個23號係Grace嘅27歲生日，佢話：「好多朋友已經約定同我提早慶祝，正日嗰日留咗俾男友！」

精選娛聞，喺晒《娛果》
http://fb.com/appledailyent