港鐵(066)刊出年報,前行政總裁梁國權舊年薪酬由1,520萬跌到1,180萬元,主因「與表現掛鈎的薪酬」由450萬跌至70萬元,跌幅差唔多有84%。點解跌咁多?先有沙中綫偷工減料、舊年10月港鐵四線故障、上月港鐵測試撞車,華華諗都唔使解釋咁多。
至於新任行政總裁金澤培,舊年人工就由980萬跳到去1,140萬元,升幅差唔多有16%,當中主要係表現費升咗120萬元,升幅有55%。之前任常務總監嘅佢,值唔值呢個升幅?呢個要由市民去評價,不過本月履新嘅佢就話港鐵金漆招牌受損,現時首要任務係重建公司聲譽。