【本報訊】新一屆立法會議員宣誓就職，被視為本土及自決派的3名新任議員梁頌恆、游蕙禎及姚松炎，宣誓不被立法會秘書長陳維安接納。梁頌恆強調，建制派指他刻意將China（中國）讀成「支那」，只是他口音問題，形容「我家鄉鴨脷洲啲英文係咁樣」，又稱所持印有「Hong Kong is not China」字句的橫額實為披肩，不明白為何潮流元素會被指違反誓詞。姚松炎更表明下次再宣誓，仍堅持在讀完誓詞後，加上「我要真普選」等的莊嚴承諾。
梁頌恆稱，他與游蕙禎昨宣讀的誓詞是完整足本，已完成法例要求，質疑陳維安的決定，「我唔知係我啲英文差，有家鄉口音，定陳維安聽唔足，就覺得我冇讀足誓詞」。

展示標語屬潮流元素

梁又指在宣誓期間披在身上的是披肩，展示「香港不是中國」標語也合乎邏輯事實，「香港並非中國，同鹿唔係馬一樣道理」，亦屬潮流元素，不明陳為何認為他不理解誓詞內容，「我着咩衫同佢有乜關係，係咪要唔着衫咁行入去，咁陳維安就覺得好莊嚴？」
對於梁頌恆及游蕙禎是否刻意將中國英文讀成「支那」，梁辯稱是「我家鄉鴨脷洲啲英文係咁樣」，不明宣誓侮辱了誰，「有啲議員廣東話都歪歪地，唔通我又歧視番佢咩？我唔會㗎嘛」。游亦反駁部份建制派議員的指控，「係咪歧視我有口音？」
至於另一宣誓不過關的姚松炎也表明，他已從頭到尾完整讀出誓詞，完成後才讀出有政治內容的表達，他宣誓前已有幾位議員都有相類做法，表明「爭取真普選，為香港可持續發展服務」，只是貫徹其選舉政綱，並無改變誓詞的實質意義。他已去信立會主席要求盡快安排宣誓，下次會於讀完誓詞後稍作停頓再表達訴求。
■記者鄭啟源