【肯亞之旅】靚靚晒一家三口溫馨照 甄子丹同老婆環遊東非

蘋果日報 2018/09/21 12:03

肯亞張智霖袁詠儀甄子丹汪詩詩
    袁詠儀（靚靚）同張智霖（Chilam）兩公婆，近日帶埋囝囝張慕童（魔童），去咗東非國家肯亞，而當地每年7月中至9月中都係動物大遷徒嘅季節。靚靚噚晚喺微博貼咗去肯亞旅行嘅相，其中一張相一家三口喺草原日落時影，Chilam拖住靚靚，靚靚再拖住魔童，十分溫馨，靚靚留言︰「肯尼亞之旅，第一篇。」唔少網民都留言話︰「一家人手牽手的畫面太美了，很溫馨。」仲讚魔童話︰「魔童太好看了，一家高顏值好完美。」
    原來此行唔只Chilam一家三口，原來同行仲有甄子丹、汪詩詩夫婦、呂良偉、楊小娟夫婦、朱李月華同老公，仲有蔡一智老婆周雪芳等十幾廿人。而汪詩詩都喺ig度貼相，當然唔少得兩公婆睇日落嘅相。除此之外，佢哋仲去咗當地學校探訪，佢哋仲帶埋一些物資同埋小禮物送畀當地人，好有愛。肯亞之旅結束後，噚晚汪詩詩貼咗張坐飛機嘅相，留言︰「Looking forward for a nice spa, swim and relaxing few days ahead.」預告再去玩幾日。今朝一早汪詩詩再貼相，相中佢着住好飄逸嘅碎花紅裙，拖住老公甄子丹，仲留言︰「Hello Mauritius」原來佢哋已經到咗毛里求斯，繼續嘆世界。
    精選娛聞，喺晒《娛果》
    http://fb.com/appledailyent
    empty
    張智霖一家三口去肯亞，同行仲有甄子丹夫婦。（微博及ig圖片）
    empty
    Chilam同靚靚及囝囝魔童嘅手拖手合照，好溫馨。（微博圖片）
    empty
    一家三口探訪當地家庭。（微博圖片）
    empty
    魔童同當地小朋友合照（微博圖片）
    empty
    同行仲有甄子丹夫婦、呂良偉夫婦等。（微博圖片）
    empty
    甄子丹同太太汪詩詩日落時留影。（ig圖片）
    empty
    呂良偉（左一）同埋朱李月華（左二）。（ig圖片）
    empty
    佢哋探訪學校及家庭，仲帶咗好多物資去。（ig圖片）
    empty
    仲同當地小朋友影合照。（ig圖片）
    empty
    今日甄子丹兩公婆已經到咗毛里求斯。（ig圖片）