日劇《海女》主角能年玲奈受合約糾紛絕跡演藝界，年前遭事務所雪藏後，本來星運亨通嘅佢立即面臨失業，多套劇集、電影都「被辭演」，有指能年6月約滿後，東家都會想盡辦法封殺，一於唔俾能年有翻身機會。

7月13日就係能年23歲生日，唔少圈中人都撐佢繼續喺圈中發展。能年上月已經同公司約滿，網誌由5月至今都冇再更新，點知能年終於蒲頭，仲同《海女》拍檔渡邊惠里、AKB48舊將篠田麻里子見面，唔少能年fans都喺網上為偶像打氣。

篠田今日喺ig公開三人合照，同能年、渡邊齊齊selfie，透過手機app變身狗狗又玩換面，更自封「渡邊惠里sisters」。