【不離不棄陪抗癌】金宇彬申敏兒拍拖4年 傳最快明年結婚
蘋果日報 2019/09/03 15:07
金宇彬申敏兒
有記者上節目爆料，指金宇彬及申敏兒可能明年或後年結婚。
韓劇《繼承者們》的30歲男星金宇彬，前年5月確診鼻咽癌後即停工抗癌，其女友申敏兒亦一直陪伴在側。金宇彬及申敏兒於2015年被爆因合作廣告而撻着，拍拖4年依然恩愛，二人曾被影到約會照，近日申敏兒趕拍JTBC劇集《輔佐官》第二季時，金宇彬更特地送上咖啡車為女友打氣。
於昨日播出的節目《聽到傳聞》中，一位記者表示：「申敏兒真係好愛金宇彬，因此先可以一直守喺佢身邊。申敏兒住喺金宇彬附近，就係為咗能夠更好地照顧對方。」
金宇彬的好友洪錫天表示：「兩人剛開始拍拖時，好在意別人嘅目光，尤其係金宇彬，交換使用兩架車去約會，生日時會約好夜先見面。」
而金宇彬跟申敏兒拍拖多年曾傳分手，記者解釋：「差唔多一年傳一次，可能係因為姊弟戀、（金宇彬）生病嘅關係，再加上金宇彬仲未復出，好多人好奇佢嘅近況，於是先有呢啲傳聞。」
有記者爆料，指金宇彬跟申敏兒嘅朋友圈，已經傳出二人可能好快要結婚嘅消息：「兩人嘅好友透露，可能明年或後年就要結婚。金宇彬嘅話，應該於身體狀態重回正軌後，就會提出結婚吧。」
洪錫天亦爆料，指日前聽金宇彬所屬事務所的工作人員透露，指金宇彬正準備復出，似乎正在挑選復出作品，又表示：「我聽聞金宇彬跟申敏兒感情穩定，兩人非常甜蜜。」
二人拍拖4年依然恩愛。
據知金宇彬及申敏兒的朋友圈，已經傳出二人即將結婚的消息。
洪錫天爆料，指金宇彬正準備復出。