個案一︰ 「𠵱家每晚放工返到屋企都係望住四面牆，冇人傾，冇人講，好冷清。」李伯幽幽地說出喪妻後的生活。
膝下無兒的李伯和老伴鄧美娟，為口奔馳，兩老於年前在深水埗經營菜檔，惜遇上經濟不景氣，以致嚴重虧損，並欠下大筆債項，加上租務問題被業主勒令收舖，在重重打擊下，鄧婆婆一時想不開，在寓所跳樓輕生，結束了寶貴性命。

轉職護衞收入微薄
「我老婆都去咗，我更加冇心機搞個菜檔，𠵱家個舖已經交番畀業主。」刻下的李伯，現已轉職任護衞員，收入雖微薄，尚且勉強夠餬口。
較早前，蘋果日報慈善基金撥款一萬二千元協助李伯辦理亡妻後事，日前再接獲讀者捐款一萬四千七百八十元，記者已轉交李伯。「發生呢件事之後，好多好耐冇見嘅朋友都打電話嚟問候我，𠵱家又有你哋嘅讀者咁關心我，我真係覺得呢個世界重有好多溫情，我一定會好好生活落去，大家唔使擔心我。」
捐款編號︰C0455
個案二︰ 在蘋果日報慈善基金撥款一萬元的協助下，葉婆婆和女兒終於遷進新居，開展新生活。「搬咗過嚟兩個幾月，環境好過舊屋好多，好開揚，個女都好鍾意。」葉婆婆說。
六十歲的葉婆婆，一生命途多舛，年輕時與丈夫分開，多年來靠雙手養育一對子女；惜長子誤入歧途而失蹤，次女則患精神病，百病纏身的葉婆婆，晚年被迫靠綜援金獨力照顧女兒，早前獲派公屋亦苦無搬遷費，她為此老淚縱橫。