繼鄧麗欣開演唱會之後，「金牌」旗下歌手吳雨霏將於下月11、13及14日在九龍灣StarHall舉行3場處女個唱，雖說只得不足一個月時間，但Kary現時的心情卻依然平靜，因為她正努力練歌練舞，所以未有心情擔憂。

至於早前好姊妹鄧麗欣的個唱備受批評，現在Kary接力開個唱會否增添壓力，Kary日前接受訪問時就說：「避免唔到，已經有心理準備，預咗會有，有批評先有進步，自己唔會受影響，而且由出道到𠵱家都成日將我哋比較，但係大家個形象同歌路都好極端，所以自己都唔擔心到時大家會將我哋兩個個唱比較。」
女歌手開演唱會，大家的注意力都會集中在歌衫上，Kary坦言不介意作性感打扮，短裙、短褲將是指定動作，她說：「最緊要着得靚同健康，當然唔好走光啦，咁要我着bratop或者只係bra都冇所謂㗎，總之出嚟唔好係賣肉嘅感覺啦。」同門師弟小肥聞言師姐之言後即時，也笑言想擔任對方個唱的嘉賓，小肥說：「不過唔知Kary肯唔肯，如果同佢同台就只會唱歌，跳辣身舞就唔好，佢咁sexy，一陣我係台上暈低就弊。」

今個聖誕，Kary和小肥都要在工作中度過，Kary更主力準備個唱，雖然現時個唱的嘉賓仍未決定，但Kary就很想以誠意打動偶像林憶蓮做其個唱的嘉賓，她說：「上次憶蓮開個唱我已經邀請佢嚟睇，但我當然想佢做埋表演嘉賓啦，同佢合唱唔會有壓力，反而會好開心，因為我一定係台上聽佢唱歌聽到呆咗，而且聽Paco講佢係經後天努力先有咁嘅唱功，佢好犀利，所以我聽完都覺得自己有得救呢。」
採訪：駱華齡
攝影：仇志德