當年今日
關於我們

【天天集郵】李思捷新歡激咀喬寶寶:你知道我是喜歡你的

蘋果日報 2015/10/24 06:00

蘋果金剛喬寶寶即時Flora張淨思

今日有讀者爆料指,指曾拍過《3D玉蒲團》、《重口味》等三級片嘅SM女張淨思(Flora),近日連環在facebook自揭同李思捷嘅親密關係!其實Flora除咗有講佢同李思捷嘅事之外,仲有其他藝人都榜上有名,好似有喬寶寶同金剛、王敏德咁。

喺月頭嘅時候,Flora就喺facebook話:「我不是個好色之人,所以不懂得色誘,但情誘還是可以的..上次派對喬寶寶飲醉了,重重複複地在我耳邊講自己的事,我聽得有點不耐煩,雙手捧著他的臉,在他嘴上親了一下,他呆了,我乘勝追擊:你知道我是喜歡你的..」之後0靚模Amy就覆咗佢4個無奈符號。之後Flora就話:「很好玩的。」

Flora事後解釋﹕「咁呢樣係真嘅,玩吓啫,佢0依家都返咗英國啦。」喬寶寶透過長途電話回覆﹕「係咩?醉咗唔記得嘞。」

而喺再早少少嘅時間,Flora就貼咗張金剛嘅相,之後話:「台灣朋友留意!我張淨思不工作,天天集郵..今晚的男友是金剛!如何?!」