提名了曾俊華，最終與其餘16位金融服務界選委聯署表明票投林鄭月娥的詹劍崙，曾指因不滿曾俊華論壇表現而轉軚。林鄭上任一周年，詹劍崙回覆《蘋果》時坦言社會氣氛明顯「變晒」，敵對情緒減少，相信源於林鄭管治手法有別於梁振英，「林鄭係會按自己一啲諗法，用唔同嘅方法去處事，最好嘅地方係少咗一啲個人性格、唔似以往咁有情緒、咁有個人色彩。」他不諱言在多個政策範疇，「見到林鄭可以做嘅已經做咗」，唯獨其身處的金融服務業「睇唔到有咩做咗出嚟」，更指林鄭應改善與業界的溝通，「唔好淨係同業界團體代表見面，忽略咗啲選委，起碼至今都冇同我溝通。」

提名曾俊華的徐聯安則是金融服務界唯一界內沒有聯署稱投票予林鄭的選委，未有轉軚的他受訪時也認為林鄭上場後明顯有管治新風，讚揚特區政府「做事果斷，積極有為」，「無可否認，喺民生等公共事務都比上屆政府進取，整體社會氣氛好咗好多。」他尤其覺得林鄭對金融業界發展「親力親為」，勤於出席各項界內活動。問到若然當初曾俊華勝選特首，現時社會情況會否有別？他指林鄭與曾俊華各有特色，相信兩人都會為社會貢獻。

「民主300＋」選委曾於特首選戰期間，曾以「CY 2.0」稱呼林鄭，成員之一的立法會資訊科技界代表莫乃光不諱言林鄭上任特首後在民生議題方面，與民主派關係明顯較好，「唔會因為係民主派講嘅佢就反對」，而行政立法關係亦有改善，但指社會很多實質問題至今未解決，並指林鄭更與梁振英一樣，有配合建制派議員在立法會濫用權力的傾向，舉例指立法會過去一年建制派「自閹」《議事規則》，「林鄭無阻止（建制派），某程度係坐享其成」，指造成的傷害或較梁振英任內更大。