外國錶展手錶，最起碼五、六位數字先落得樓。不過鐘錶界又點會大牌獨大，一個大餅多人分，娛圈亦如是。東家唔打打西家的傅穎（Theresa），轉會後繼續貴人事忙。戴貴錶？不如實實際際平玩多色靚膠錶襯衫好過。講到底，傅小姐的時間應該比貴牌手錶更寶貴。 記者：葉雪芯 攝影：譚盈傑 Hair:VincePang@ILColpo AssistedBy:LinfaLi@ILColpo

情人節推心心版

ICEwatch今年首個主打系列是情人節特別版LoveCollection，款式比較Girly，擺明用來攻芳心。設計簡單擺到明賣大大個心形，其中黑、白二色更以CRYSTALLIZEDTM施華洛世奇閃石組成心形，紅色及粉紅色則為微凸的心形，少女味較重，最矜貴是香港只限量300隻。今年情人節撞正年初一，剛轉會重生的傅穎例牌忙到甩轆，說不會碰上「和家人拜年還是陪男友」的難題。若真的要你揀呢？「我一定會好囡兩邊陪，上午陪家人拜年夜晚再陪男友吃晚飯。其實感情好的情侶，日日都是情人節，但好多親戚都是一年一聚，好難得。」

傅家小姐打孖戴

除了LoveCollection，ICEwatch還有斯文Style的玫瑰金轉框GoldRoseCollection、鑲滿精巧切割的CRYSTALLIZEDTM閃石錶框的StoneCollection。最值得留意的是招牌Sili系列，睇時間不是重點，用來襯衫才是王道，此系列一共有十個顏色之多，CandyColour甜到漏。今個冬季仲加推了WinterSili版，多了不少沉色例如鐵灰、朱古力啡、軍綠、寶藍、暖紅色等。Theresa一見已經似蜜蜂摟蜜糖，「近幾季特別喜歡膠錶，一來價錢唔肉赤，二來襟用，三來最鍾意佢多顏色。錶對我來講已打入Accessories行列，用來襯衫多過睇時間，睇時間我可以睇手機嘛！」咁戴錶襯衫有沒有私家貼士呢？她說：「一定要撞色，而且一戴就打孖嚟！反正咁Colourful，戴一隻上手太單調又唔夠潮味，可以大膽啲，但唔好多過兩隻，太多你估龍鳳鈪咩！」

群星拱照子彈膠

膠錶潮流一直未停過，早有Nixon、Alessi、ToyWatch等珠玉在前，ICEwatch隨後亦玩埋一份。07年在比利時出世，至今LivTyler、ParisHilton、盧巧音等已成捧場客，連法版《Elle》都搵埋佢一齊搞天橋Show。ICEwatch的膠錶帶採用Polycarbonate製造，即聚碳酸酯俗稱子彈膠，在高科技工業中用作防彈的塑膠物料，就連香港特區警隊都用此物料來做防暴盾牌。此種塑膠售價昂貴，不含有害重金屬，而且防水、防汗、防臭、低過敏性。

ICEwatch（31889518）