【新增BIGBANG推新歌內容】
韓國天團BIGBANG嘅成員勝利，早前繼成員太陽之後出演MBC嘅綜藝節目《我獨自生活》，節目將於聽晚播出街。

不過節目組今日就公開最新預告，當中勝利嘅豪宅仲曝光，當中可見勝利同太陽一樣擁有超大型衣帽間，而自己一個住嘅勝利屋企仲好整齊，唔知平時有冇自己執屋呢？去到廁所部份，勝利浴室唔算超豪，但擁有浴缸及金色洗手盆，盡顯土豪一面。

而擁有多間拉麵店及夜店嘅勝利亦盡顯CEO風範，喺屋企一邊食早飯一邊處理工務，十分認真。

另外，勝利隊友大成將於下周二入伍，今日韓國方面就指大成下周二將於江原道華川郡第27師團必勝部隊新兵教育隊報到。

而BIGBANG所屬嘅事務所就宣佈，將於下周二公開組合之前未發佈過嘅新歌，估計因為成員都相繼入伍，所以BIGBANG推新歌慰歌迷。

更多韓流，喺晒《娛果》
http://fb.com/appledailyent