郭錦恩和丈夫Richard結婚七年育有兩子一女，分別是6歲大仔Wolf、3歲二女Red和歲半幼子Kiva。三個小孩在家經常吵吵鬧鬧，Crystal有時明知他們扭計欺負她，但也不會計較。
Crystal日前帶同二女Red到九龍塘又一城購物，剛剛睡醒的Red顯得懶洋洋，不過抵達童裝店，看到色彩繽紛的衣飾後，頓時活躍起來，並走到貨架試穿鞋子，Crystal說：「佢對粉紅色同閃令令嘅服裝最感興趣。」Red穿上新鞋後，即拖着媽咪在鏡子前團團轉。

接着Crystal走進了朱古力店，Red嗅到陣陣朱古力香氣已興奮不已，要媽咪買朱古力回家與兄弟分享，Crystal當然有求必應。拿着朱古力的Red淺嘗一口，即自動自覺與媽咪分甘同味，十分乖巧。
雖已為三名孩子之母，Crystal身形依然十分苗條，她笑說：「湊住三個小朋友其實好困身，真係冇得食、冇得瞓，連私人時間都冇，點會唔瘦。做媽咪仲辛苦過返工，我24小時都唔夠用。」孩子在家中無時無刻都有糾紛和爭拗，Crystal說：「其實處理佢哋嘅拗撬，有時真係控制唔到，佢哋為咗吸引我嘅注意力，乜嘢都嗌一餐，雖然好煩，但都冇辦法。」

Crystal透露有次與長子Wolf爭拗激烈，一時氣上心頭大聲呼喝他，Wolf即衝口而出說：「你脾氣唔好咁臭！」Crystal頓時語塞，她說：「我事後反省，諗番囝囝咁講都有佢嘅道理，我一啲都唔嬲，做父母要有耐性聽子女嘅說話。」Crystal夫婦均不主張打罵子女，認為賞罰分明更為奏效。
場地提供：GODIVA、Abebi、Teddy&I（又一城）
本欄逢周六刊出