May姐與汶汶分享做飲食主持心得:「我會趁拍攝前試食咗先,咁樣拍時就識講出真感受,我唔鍾意造假,亦唔會夾硬食,𠵱家觀眾好聰明,呃佢哋係掩飾唔到。」汶汶心急狼吞虎嚥,May姐也制止:「咁大啖食唔到個味,食物塞住嘴又講唔到嘢。」May姐着重食物質素,當日她主動要求入廚房直擊製作Hello Kitty餸菜過程,大廚揭秘貓鬚是用茄子皮製作:「用紫菜可以最簡單,但濕咗就冇用,用茄子皮係食得健康兼且靚。」
近年淡出幕前的May姐轉戰飲食業,近日在廣州開點心店,大部份時間駐場,她深信力不到不為財。効力亞視24年的她也關心娘家即將執笠,May姐說:「回想我出道時由佈景板,做到製作飲食節目,呢個地方見證我成長,畀我好大發揮空間,佢結業前有幫手,我一定撐。」
採訪:比華利