富二代靚女當中，富豪酒店（078）太子女羅寶文（Poman）嘅感情生活一向多人關注，話晒咁靚女，有乜理由34歲都未有一個穩定男朋友呢？聽聞Poman真係好有要求，鍾意醒目嘅靚仔，見佢專搵靚仔型男幫旗下產品賣廣告就有迹可尋啦。
Poman早喺10年前曾經搵過「港版李察基爾」方中信，幫旗下赤柱豪宅富豪海灣拍過一輯宣傳劇集。早幾年，佢又有諗過搵城中筍盤古天樂做宣傳，不過對方開價太高，令羅小姐打消念頭。

搵「翻版黃曉明」sell月餅

搵唔到古天樂唔緊要，臨近人月兩團圓嘅中秋節，Poman今年就搵到有「亞洲第一男神」同「翻版黃曉明」之稱嘅內地型男顧又銘，赤膊為旗下富豪月餅賣廣告，夠晒搶眼，酒店早前仲安排「男神」走到旺角鬧市餵女途人食月餅，大受女途人歡迎。
Poman欣賞嘅男藝人，全部都係高大威猛嘅靚仔，推銷產品實掂。之不過，話要搵個高大威猛又醒目聰明嘅男仔拍拖，應該就係另一回事。
每次出席公開場合，Poman都會被人追問拍拖未，早排佢都承認，雖然有好多人追，但Mr. Right尚未出現。老實講，要符合以上條件，又門當戶對，華華暫時只係諗到九倉（004）主席吳光正位公子吳宗權唧。

李華華
mailto:[email protected]

肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24