當年今日
關於我們

雲格點名讚 韋舒亞果然係契仔!

蘋果日報 2017/09/29 10:08

英超韋舒亞阿仙奴歐霸盃雲格白俄羅斯巴迪歐洲足球

阿仙奴喺禮拜四晚作客白俄羅斯球隊巴迪場歐霸盃分組賽,由於要留力踢禮拜日對白禮頓場聯賽,有九個常規主力直頭無上飛機,留咗喺倫敦「印印腳」。雲格嘅決定,亦都令到韋舒亞可以喺呢場比賽踢足90分鐘,雖然佢今場無入波,但阿仙奴所入嘅第一球都係由佢嘅傳中造成嘅,算係間接助攻,難怪雲格賽後都點名讚韋舒亞。
雲格話:「韋舒亞上半場踢得好好,亦都戰鬥到最後,我諗佢慢慢會去返自己嘅最高水平,今晚就係最好嘅證明。球員一般都係喺佢呢個年紀會去到最好嘅階段,佢只係一直受到傷患嘅困擾啫,希望佢以後唔好再受傷,大家就會見到越嚟越勁嘅佢。韋舒亞今晚嘅表現,證明咗佢嘅質素係仲喺度嘅!」
empty