【三代同堂賀父親節】Sa陪爸爸嫲嫲飲茶 千嬅罕貼胞妹相
蔡卓妍梁家輝趙頌茹楊千嬅周海媚sa
圈中孝順女喺父親節當然要晒一晒溫馨,好似周海媚、趙頌茹、蔡卓妍(Sa)、楊千嬅等!
周海媚曾經喺訪問講過爸爸對佢家教好嚴,唔可以夜返屋企,食飯一定要先叫長輩等,而且周海媚一直亦好錫爸爸,所以趁住父親節,佢亦罕有喺微博po出爸爸嘅相,留言:「偉大的父親們,父親節快樂!」
曾疑似經歷家暴嘅趙頌茹,目前獨力照顧兩個囡囡,今早喺Ig貼出同爸爸嘅相,寫道:「發黃的相片及已遺亡的時光,媽媽說:『直到七,八歲我仍嚷著要爸爸揹。』今天是父親節,祝願爸爸身體健康。爸爸,父親節快樂。」
阿Sa今日貼出「三代同堂」相,原來佢今日同爸爸及嫲嫲去咗飲茶,阿Sa喺Ig寫「鬍鬚佬父親節快樂~」另一孝順女楊千嬅亦貼出一張噚晚嘅飯聚相,相中又係三代同堂,有爸媽、胞妹、細佬,以及囝囝Torres嘅大合照,千嬅真係激罕貼細妹相,今次父親節肯貼家庭相又真係好少有。睇真啲,千嬅同細妹又唔係好似樣噃(新聞連結: http://bit.ly/2sGvd1T )!
另外,梁家輝孖女Chloe今日亦喺Ig貼同爸爸嘅黑超look,留言:「Happy fathers day daddio. I love u so so so much!」