噚日台灣金馬獎公佈電影入選名單，而早前金馬獎公佈由蔡康永單人匹馬主持頒獎禮，但原來蔡康永早幾日發現一邊面顏面神經失調，佢噚日錄影時更因為未好返而戴住面具錄影，雖然講話正常，但一邊面仍然略略下垂，佢話:「已看過醫生，估計10月中旬就能完全恢復。」

今日蔡康永再度錄影公開現身，一邊面仍然唔太平衡，眼睛亦發紅，嘴角歪斜，佢話已經恢復咗大半，應該可以如期主持金馬獎。

蔡康永上個月18號起身發現一邊面麻痺下垂，一度擔心自己係中風，經診斷為貝爾式麻痺症，俗稱顏面神經失調，係由於捱夜同抵抗力太弱所致。