方丈份人真係好小氣o架...喺大台效忠多年嘅阮兆祥，之前同商台合作搞棟篤笑，公然喺台上撐港視，話想睇有水準嘅節目，其實都係講真話啫，邊個會唔想睇有水準嘅節目先?

不過大台幾有氣度，呢幾年大家都有眼睇，尤其是O依家綜藝科頭頭余詠珊過嚟之後，權鬥新聞無日無之，成日都傳出雪呢個雪嗰個，而男人有咩事，身邊嘅女人永遠最快聞到陣味，祥仔女友Crystal見男友上台撐港視，已經轉載本報新聞話:「要小小小心山姐先好呀！」點知未幾已傳出祥仔被飛出《歡樂滿東華》演出，之後Crystal就fb寫文道:「特別報告，繼早前被指撐基基事件之後，大台白色恐怖立刻來臨，原定歡樂滿東華表演項目無故被抽起！莫非真的得罪咗《山》姐？請大家密切留意事態發展！」

而余詠珊亦唔妥前大台高層陳志雲，雖然陳志雲過咗商台，但係祥仔同商台合作搞棟篤笑賺錢，余詠珊都覺得益咗陳志雲，加上傳出祥仔明年都唔續約，所以大台已經下令將祥仔嘅曝光減至最低，新劇《性在有情》都好大機會被減戲，務求陰乾祥仔直至隱形。