卓林曾經自殘，被影到手腕有好多傷痕。卓林承認做過好多瘋狂行為，她說：「我曾經俾人好Crazy嘅印象，我確實曾經因為我要承受嘅事，冇人理解我，冇人同我說話而變得Crazy，但最終我遇上佢（Andi）。我哋傾過所有嘢，搵出痛苦根源，了解呢啲事喺潛意識上點樣影響我哋，我覺得一個人，如果決定做你認為應該嘅事，講你認為啱嘅說話，認清自己係邊個，咁先係真正嘅長大。」

Andi讀過心理學，年輕時亦曾遭受虐待，兩人可以說同病相憐。Andi說：「有時你好難發現你痛苦嘅原因，如果你獨自一人面對，問題會積喺你內心，經過長年累月嘅積累，佢會成長。但有啲行為，你單純因為人哋話啱就做，或許會好抗拒，因為每個人其實都唔會被別人操控，大家都話我喺度操控卓林（卓林大笑），咁係唔可能嘅。」

卓林一直希望找出成龍與吳綺莉之間嘅「真相」，重要嗎？卓林說：「對我好重要，所以對佢（Andi）亦好重要。佢一直被外界攻擊，令我覺得好唔開心，我好想講『冷靜啲啦，佢係我太太嚟㗎』。無論傳媒或者邊個講乜，我知道我一定要保護佢。」Andi露出冧樣說：「當然我會為佢考慮，我經常問佢想要乜，但我永遠唔會強迫任何人，我唔會畀任何人意見，因為我哋都有唔同嘅經歷，但我們可以分享我們嘅經驗，從中學習，我哋都需要知道我哋想要啲乜。」

問Andi如果她是成龍，會否比他做得更好？Andi說：「我唔會話我比任何人更好，但作為一個擁有8年教師經驗嘅人，有好多家長感謝過我，我試過有學生因為有障礙而唔能夠說話，例如亞斯伯格症嘅學生，佢哋好難向其他人表達情感，家長未必會發現學生嘅問題，而我唔係一名治療師，所以我唔能夠給予診斷，但我可以引導家長，令佢哋知道乜嘢係佢哋忽略嘅、乜嘢被佢哋誤解，以及點可以換個角度思考，所以每個家長都應該給予自己孩子一個機會，表達佢哋嘅內心。」

採訪：嵐山、黎沐風
攝影：陳俊強
攝錄：廖達燊、仇志中

精選娛聞，喺晒《娛果》
http://fb.com/appledailyent