踏入三月，正正係中六學生最後上課嘅日子。各位DSE準考生，除咗不分晝夜咁溫書，都要為中學生涯製造吓回憶啊！相信大家都會用相去留下每一個同學仔嘅面孔，而琴晚喺Facebook專頁名校Secret就出咗一個新嘅方法去製造回憶，令同學仔將來睇返都一定好懷念好難忘！

何文田女校德蘭中學嘅一班女學生就組成「德閒女神團」。佢哋9個喺學校唔同嘅角落拍攝，翻拍早前由黃心穎、蔡思貝、馮盈盈、邵珮詩及張寶兒演出《到此一遊(女生版)》。喺名校Secret12個鐘已經有11萬次瀏覽，好多網民都大讚「其實拍得好好，剪得好靚，跳得唔錯」、「青春應拍下留念嘅！值得！」。