旺角鳩鳴運動已持續多日，近日因涉嫌滋援店舖而惹來非議。不過鳩鳴團友明言，鳩鳴運動是政府「煽動」出來，並指至少要鳩嗚到聖誕：「鳩嗚已經係最低消費，唔出嚟點對得住俾人扑頭嗰啲？」

已經多次參與鳩嗚團的Jenny，擔任行政工作，不滿人大決定，9.26學生衝入公民廣場時已在現場，之後一直留守金鐘，希望透過鳩嗚團繼續向政府施壓，「我哋嘅心志唔會因為清場無咗，我嚟響應689呼籲，嚟旺角鳩嗚吓，轉另一個形式，睇吓你點清場，你一清場我哋全部過咗嚟鳩嗚，我哋打游擊，佢哋守得仲辛苦。」曾留守旺角的Rosanna，目擊周日晚及周一凌晨警察在金鐘打人，形容情況尤如屠殺，令她極度心痛，「我會繼續加入不合作運動，搞中資銀行，繼續鳩嗚，消耗佢警力，同佢對住去做，但我哋會智取，唔會損兵，唔好畀佢挑釁。」

【雨傘革命】 http://umbrella.appledaily.com