譚詠麟(阿倫)、鍾鎮濤(阿B)、彭健新今日齊集青衣一間茶餐廳為陳友執導電影《兄弟班》宣傳，電影藍本取自「溫拿五虎」奮鬥史及兄弟情，另外飾演阿倫年青版嘅鄧加樂、演陳友嘅吳鶴謙同演阿強嘅林耀聲都有現身撐場。導演陳友指電影獲「紐約亞洲電影節」選為參展電影，將於7月2日在當地全球首播，屆時佢會飛到現場，而主辦覺得溫拿具亞洲樂隊代表性，所以將邀請一隊美國樂隊演繹溫拿歌曲，阿倫提議演選出Village People《LOVE》。

陳友指好事接踵而來，7月20日將全中國上映，而一向大陸喺七月絕少讓西片(指外國電影)上映(備注：大陸政府推出的「國產電影保護期」（限制了外國電影放映量）)，阿倫即笑說:「7月係鬼節，所以冇鬼片上。」陳友解釋應該此戲夠正氣，阿倫續說:「可以趕走牛鬼蛇神。」最後陳友感激一班兄弟支持，若果票房收得全是兄弟功勞。講到溫拿其他成員有冇畀意見，阿倫笑說:「邊度敢！」不過陳友爆第一稿劇本出時被要求修改，一改便成年，所以出第二稿時便直接開拍唔畀佢哋過目。

今次劇本以陳友、阿強及健仔較後位置角度去看溫拿，健仔笑說:「我年青角色由陳家樂去演，同我以前一樣樣。」阿B指自己兩個年代角色聲線最一致，因為年青版角色由他親自配音。陳友指故事從1969年至2016年，最感動之處係螢幕上見證阿倫條腰一路變粗，最後佢哋唔排除溫拿會再開騷，但先讓阿B舉行個唱先。

演年青阿倫嘅鄧加樂因為喺加拿大長大，事前全不認識溫拿同阿倫，佢話：「我之前以為阿倫係二人組合，阿Sam與阿Tam，係媽咪更正我，我事前要惡補阿倫啲歌。」演年青阿強的林耀聲要急學彈Base。

精選娛聞，喺晒《娛果》
http://fb.com/appledailyent