日本整容名醫高須幹彌日前公佈新一季最受歡迎整容指標排行榜，島崎遙香、北川景子、佐佐木希順序進佔冠亞季位置，而時裝雜誌《小惡魔ageha》出身嘅模特兒愛澤Emiri、吉川千惠、吉川千加分別打入第4、第6同埋第7位，尤其孖生嘅吉川姊妹，上年喺網上公開整容日記後，立即成為網絡紅人。

家姐吉川千惠同細妹吉川千加，近年唔只改名發展，連樣貌都進行大執，佢哋一齊接受割雙眼皮手術，又溶解脂肪變V煞面，決心成為日模界最強人造人，搞到過去半年仲成當地嘅整容人辨。

年底滿27歲嘅吉川姊妹，自言靠整容轉運，妹妹千加去年仲成功搭上靚仔男友，早前仲不時上載煙韌合照晒命，不過最後都係分手收場。