前商務及經濟發展局局長馬時亨越來越吃得開喎，就連扮模特兒展示手錶、chok哂影相都難佢唔到，唔知幾時有人搵佢拍廣告做代言人呢?

話說股評人陳永陸(陸叔)替港產陀飛輪品牌萬希泉設計咗一批牛錶，每隻定價4.28萬元，部份款項會捐畀幫助醫治白內障病人嘅健康快車，馬時亨今日就係以健康快車副主席身份出席牛錶嘅發佈會。

馬時亨雖然來去匆匆，只係逗留咗半粒鐘，但係佢相當識做，戴住陸叔設計嘅牛錶擺哂甫士任影唔嬲，影完一輪，馬時亨似係好有體會咁話「做Model原來好難」！

詳情請留意明天「中環在線」