當年今日
關於我們

自稱區議員怒插抄牌警:唔阻人你抄乜啫?

蘋果日報 2018/12/25 11:14

粉嶺團彭振聲警民關係抄牌

【新增動新聞】
車輛違例泊車,警員上前抄牌看似天公地道。不過,平安夜晚網上瘋傳一段影片,拍片人對兩名到粉嶺圍村外露天咪錶位抄牌的軍裝警員破口大罵,指摘二人「得閒無嘢做」濫用警力,「呢度又冇人投訴,又唔阻街,鄉村嚟嘅!」期間夾雜粗口,相當霸氣。拍片人更「撻朶」自稱是該村村長兼區議員,揚言一定會向警方總區指揮官投訴。
該段長約5分鐘的影片,拍片人一開始先拍攝兩名警員制服上的編號,隨即連珠炮發時,並提及當時是傍晚6時許,指鄰近港鐵站的石湖墟、粉嶺站交通更為繁忙,「你呢個時候嚟抄乜嘢呢?上水冇嘢做咩?粉嶺冇嘢做咩?火車站冇嘢做咩?」一名警員嘗試反駁,指該處屬咪錶位,若有不滿可另行投訴,但仍未講完即被打斷,有人怒斥「我都話你有權呀!我冇話你冇權喎!點解你刻意要嚟鄉村抄牌先?係咪你唔夠票(定額罰款)吖?」
拍片人越說越囂張,更言帶恐嚇稱「我同你RC(總區指揮官)講吖!我睇你係咪無嘢做呀...呢度又無人拆訴,你嚟抄乜嘢啫!」話畢就有村民走出來向拍片者打朝呼,笑稱「聲哥,你咁快脆嘅?你早啲嚟吖嘛!」二人對談期間,村民提及當時是平安夜,拍片者就稱之前把車泊在瑞柏園附近,「我喺嗰度休息恰吓,佢嚟想抄我牌,佢落緊簿喇,我砵佢‥‥‥我坐喺度又唔係阻街,X!我唔媽X佢?」
片段在網上曝光後,即有網民指出拍片人懷疑是北區建制派區議員彭振聲,「算唔算阻差辦公!兼恐嚇!香港法律原來有雙重標準?」有人直斥拍片人「垃圾」,自恃區議員身份濫權,更教唆他人違法不入錢泊車及阻差辦公,亦有人質疑涉事的兩名警員表現軟弱,「點解呢啲土豪牛屎飛氣燄咁大?!正正就係因為警隊裏面嘅管理層、呢條土豪口中所講嘅RC過往嘅龜縮軟弱態度,令呢班人咁囂張。」
警方回應表示,上水警區人員昨晚約6時30分巡經粉嶺南圍期間,發現停泊於上址的車輛未有於停車收費錶繳付泊車費,遂發出6張定額罰款通知書。警方又指,警務人員是根據法例及既定程序執行職務,希望市民理解和配合。
身兼粉嶺圍村長的彭振聲是註冊專業土木及結構工程師,於2015年當選北區區議員。當時他報稱是獨立人士,但其實他曾代表民建聯參加區議會選舉,之後退黨。《蘋果》嘗試聯絡彭振聲求證,但其電話被轉駁至傳呼機秘書服務。
過去都曾發生過區議員恃權違泊事件,今年8月,民主黨大埔區議員區鎮樺就曾在網上試圖「公審」警員抄牌時態度無禮,但反遭網民圍剿指他違泊在先、知法犯法,結果區在幾天後就違泊公開道歉。
【蘋民咁講】
Yanick Ng:依家啲人咁樣嘅思維邏輯都可以做區議員... 真係大聲就是真理。
P.c. Paul:竊匪:「爆竊都未有人報警投訴,你拉我做乜?」
Gary Leung:身為鄕村的區議員,沒有幫助政府好好向村民解釋,叫他們遵守法律,做好自己本分!反而阻差辦公,還要向他們的上司投訴,威脅他們執行職務。簡直不知所謂!
Yiu Hung So:泊錶位唔入錶天皇都係錯,扺抄,撐警方。
Ah Jack:點解呢啲土豪牛屎飛氣燄咁大?!正正就係因為警隊裏面嘅管理層、呢條土豪口中所講嘅RC過往嘅龜縮軟弱態度,令呢班人咁囂張。
Jeffrey Wong:有冇人send畀藍絲團體睇下點回應。
empty
empty
一名稱自粉嶺圍村長兼區議員的男子拍片大罵警員到村口抄牌,更聲言會向總區指揮官投訴警員「無嘢做」。
empty
兩名警員被罵期間一度嘗試反駁現場有人違泊,但拍片者反指沒有人投訴警員不應抄牌。