黎明詩、龍小菌同方健儀喺灣仔會展出席香港國際市場展時裝表演。早排出櫃且積極減肥復出嘅黎明詩接受訪問時話，今趟嚟係支持自己嘅好朋友設計師，佢話：「而且妹妹都係設計師，好多時我都會畀意見佢，自己都有留意啲時裝潮流。o依家積極減肥，已經減咗8磅，想再減多5磅。」佢話近排忙住減肥，除咗運動之外，最重要喺戒口，唔係點做運動都冇成果。近日幫朋友嘅美容院拍咗硬照廣告，嚟緊佢會出席大台一個懷舊音樂節目，主要喺幫張立基rap返首《異性相吸》。講到早前宣佈復出，暫時未有好多人邀請工作，目前都係專心減肥。

另外，龍小菌今次有份行show，佢幫手嗰款品牌打從出道以嚟就贊助自己，佢話：「可能佢睇中咗我下盤夠穩，性感呢樣嘢見仁見智，自己著衫以舒服為主。之前同自己隊樂隊《帶菌者》錄歌，遲啲出show。」講到早前打風，樂隊喺網上推出新歌《有病》都有多人睇，可能打風啲人唔出街有關。