有「印度劉德華」之稱嘅寶萊塢巨星阿米爾汗（Aamir Khan）一向是信心保證，由佢主演嘅印度電影《打死不離3兄弟》（3 Idiots）、《來自星星的PK》（PK）、《打死不離3父女》（Dangal）均在港贏得極佳口碑，阿米爾汗夥拍薩伊拉華森（Zaira Wasim）嘅新片《打死不離歌星夢》（Secret Superstar）鐵定下月12日在香港開畫，係二人繼《打死不離3父女》後再度合作。

薩伊拉華森日前已落實4月中襲港為新片造勢，佢仲預告會有位「特別嘉賓」同行。今日，阿米爾汗都拍片宣佈下月偕薩伊拉齊齊到香港，今次係佢首次到香港見影迷，相信消息令唔少香港fans及佢同鄉興奮不已，阿米爾汗今次拍片仲向粉絲大派飛吻o添！

《打死不離歌星夢》故事講一個少女追尋歌星夢同埋歌頌母愛，又以感人情節打動觀眾，阿米爾汗扮演Chok爆歌星兼音樂人，決心提攜薩伊拉飾演嘅女主角欣兒做樂壇新人，可惜生於小鎮嘅欣兒受到父親反對，加上父親思想守舊，令呢位14歲少女難圓歌星夢，幸好有母親包庇及扶助，女主角最後上戴幪面自彈自唱嘅原創歌曲到YouTube卻意外爆紅。

精選娛聞，喺晒《娛果》
http://fb.com/appledailyent