住喺七百幾萬人嘅城市，唔少香港人都鍾意假日去郊遊鬆一鬆。香港興業（480）喺愉景灣二白灣搞咗好多年嘅商務兼水療度假酒店，終於有眉目，今年底就會開業。酒店起喺海邊，有成325間房間，可以搞大型會議，又可以畀住客做spa輕鬆吓。

為咗招攬唔同旅客，興業計劃申請一條渡輪航道，由迪士尼樂園開去「無煙島」愉景灣，之不過，興業香港嘅業務總監陳子明話，航道仲傾緊。雖然新航道未開通，但佢認為香港冇乜resort酒店，應該有唔少東南亞旅客會鍾意。
興業過往都有發展酒店，例如喺新加坡、泰國，今次就請嚟來自英國嘅布思暉（AnnaBusfield）做呢間新酒店嘅總經理，聽聞佢1997年已加入亞洲酒店業，負責管理過嘅酒店包括泰國、汶萊、香港同澳門，應該駕輕就熟啦。