曼城領隊哥迪奧拿其實係叮噹？話說呢位西班牙籍教頭近日表示，歡迎英國球壇嘅領隊、教練隨時搵佢拎意見，不過哥帥就呼籲佢哋唔好盲目咁抄自己套足球哲學，要發展出一套自己嘅踢法。

曼城上季四大皆空，哥迪奧拿嘅戰術即刻俾人彈到一文不值，甚至有球評認為佢用開果套喺英國係唔work嘅。但當曼城今季破紀錄喺英超連贏18場之後，就乜都唔同晒。不過，佢認為自己果套唔一定啱英格蘭代表隊用：「我一定肯幫佢哋㗎，但我一直強調嘅，係每位領隊、教練都必須要相信自己信奉嘅一套，唔好因為我依家得到成功而跟風，咁係一個彳大嘅錯誤。」

哥帥繼續話：「我係一位好年輕嘅教頭，對我嚟講，有人肯『打開門』聽我解釋係一件非常美好嘅事，我哋乜都可以傾，無論係球員管理又好、戰術又好，我隨時準備好同佢哋交流。佢哋自己唔知啫，但其實我同樣喺佢哋身上學緊嘢㗎！」

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM