潘頓喺周日賽事起孖兼做埋騎師王，手風相當順；今次谷戰更騎足八場，當然會乘勝追擊，咁邊匹座騎佢又最緊張呢？答案應該係第七場隻「喜多盈」；事關潘頓今朝第一匹操嘅馬，正正就係此駒。仲有潘頓操完呢隻馬後，更第一時間去烽火台搵廐主文家良密斟，重視程度可見。事實「喜多盈」上仗同程谷草一哩贏得出色，原班再戰連捷呼聲高唱入雲。